بنوتة مصرية
السلام عليكم,
لقد قمت بإنشاء منتدى رائع على خدمة Ahlamontada.com و أتشرف بدعوتك للإلتحاق بمنتداي و التسجيل فيه.
المنتدى على هذا الرابط http://hoda150.alhamuntada.com

المدير العام للمنتدى
http://hoda150.alhamuntada.com

بنوتة مصرية

كل احتياجات البنات واسرارها
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
كل مايخص البنات واسرارها من مطبخ وميك اب وصحة وجمال ورشاقة ووظيفة وعناية بشعر والبشرة
لو بتدوري على صحبة و لمة و كلام من القلب و بسمة، و محتارة تروحي فين، هتلاقي منتدانا بنوته مصريه موجودة فيها ايادى بالخير ممدودة: يلا تعالي مع احلى صحبة دنيا ودين!
بتحفظى القران وتنسى شوفى الرسول قال ايه حفظ القران كله زي الفاتحة بالظبط
ذودى دخلك من البيت وبيع أي حاجة بسرعة وبسهولة أدخل و اعمل عضويه الان مع ماى واى
البقاء مستيقظا لمدة 17 ساعة هو نفس شرب 2 أكواب من الكحول بالنسبة لجسمك.
الدنيا لا تساوي ان تحزن او تقنط من مشاكلها او ير تفع ضغط دمك من همومها
*لا اله إلا الله رب السماوات السبع و رب العرش العظيم*
حيل بسيطه تساعدك في التخلص من الوزن الزائد ؟؟؟؟؟؟؟؟؟؟؟؟؟؟؟؟
تعرف احسن حاجه تخليك تخس ايه هيا؟؟؟ اربع حاجات لو حققتهم فعلا وبذمة هتخس .... وممكن تستغنى عن واحده منهم وتكسفها فى الباقى ....
زنجبيل مطحون قدر 50 جرام مع كمون مطحون 50 جرام على نصف كوب ماء عليه ملعقة صغيرة من الخل ويشرب ذلك عند الشعور بالألم.

شاطر | 
 

 طريقة تخسيس صحيه جدا للجسم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 335
نقاط : 984
السٌّمعَة : 0
تاريخ التسجيل : 14/09/2013
العمر : 46

مُساهمةموضوع: طريقة تخسيس صحيه جدا للجسم   الثلاثاء سبتمبر 17, 2013 2:45 am

انا النهاردة لقيت نظام مكتوب في منتدى وهو منقول اصلا والي نقلو كاتب تجربتو معاه
انا حسيت انو حلو اوي اوي وهاعملو من بكرة ان شاء الله
وحبيت اوريهلكم وافيدكم ولو حبيتو تبتدو معايا كمان من بكرة
بسم الله الرحمن الرحيم
الهم صلى على محمد وعلى ال محمد
كما صليت على ابراهيم وعلى ال ابراهيم
اولا الموضوع منقول من موقع
دى فى دى فور ارب
وبعد الموضوع انا هعلق عادى وهقول تجربتى
كاتب الموضوع اسمه shatou
جزاه الله كل خير
نخش بقى على الموضوع
lol! 
تعرف احسن حاجه تخليك تخس ايه هيا؟؟؟
اربع حاجات لو حققتهم فعلا وبذمة هتخس ....
وممكن تستغنى عن واحده منهم وتكسفها فى الباقى ....
قبل ما ابدا احب اقول النظام ده مشهور جدا فى كندا وحققت نتايج غير طبيعية وللاسف بيستخدموا اعشاب مش موجود لها مثيل فى مصر لحد ما لقيت نوع معين هيفيد الناس....
من الاخر انا هاظبطكم دلوقتى...

نبدا باول حاجه:
1. الرياضة


الكلمه دى بتضايق ناس كتييييير بس بجد انا هاريحهم دلوقتى ....
فيه ناس تقولك رياضة ايه يا عم هو انا فيا نفس اصلا!!!؟؟؟
وده كلام منطقى ازاى واحد او واحده سمينه وعايزهم يعدوا يجروا وتمارين بطن ... ده بيطلع السلالم بالعافية ....
وفيه ناس تقول ان معنديش وقت وده منطقى انا شخصيا وبسبب شغلى مبلقيش وقت بسهولة ....
طيب تعالوا نحل المشكلة:
الخطوه الاولى: انا عايز اللى بيقرا الكلام ده بغض النظر عن وزنه (لان الموضوع ده مش خاص بالتخسيس بس) يحسب الحسبة دى:
مؤشر كتلة الجسم: وزنك بالكيلوجرام / (طولك بالمتر X طولك بالمتر)
لو الرقم ده :أكبر من 30 --------< عندك سمنة بمعناها الحقيقى , هنا مطلوب منك المشى فى بداية الريجيم ع الاقل نصف ساعه كاملين يوميا فى مكان مخصص بالمشى بمعنى متمشيش فى شارع عباس العقاد وعمال تتطلع وتنزل وتخبط فى ده وتخبط فى دى نص ساعه وتقول انا مشيت لا امشى حوالين حديقة الطفل اللى فى مكرم عبيد مثلا بتاع نص ساعه ده مكان كويس او فى تراك النادى مثلا ده ممتاز ومريح جدا جدا للقدمين... وطول ما انت ماشى فى الريجيم بتحسب الرقم ده طالما موصلش لل 25 يبقى تديها مشى وبسسسسسس مفيش اى نوع تانى من الرياضات وطبعا طبعا مع الوقت زود فترة المشى لحد ساعه ونصف كاملين بدون اى توقف ودى باه براحتك لانك عقبال ما تاخد من 30 لحد 25 ادامك فترة جميله....
لو الرقم بين 25 و 30 --------< انت كده بتاعنى من زيادة الوزن ودى تفرق عن السمنه بانهاء مؤشر لقربك من السمنه لان السمنه مرض فى حين الزيادة ممكن تتخلص منها وملهاش اضرار صحيه اوى زى السمنه (تاثيرها على المظهر الخارجى فقط) هنا مطلوب منك تبدا ممارسة المشى لمدة ساعه كامله بدون توقف وتزودها لحد ساعه ونص بس + تمارين سويدى لمدة ربع ساعه فقط (التمارين السويدى موجوده فى المنتدى كتييييير واختار اللى يعجبك منها المهم تنوع التمارين على اجزاء جسمك) وتمارين السويدى تقدر تزودا تدرجى لحد ساعه الا ربع فقط متعملش فيها بطل وتزود عن المده دى لانك المفروض بتمشى يوميا (التمارين السويدى يوم اه ويوم لأ)
لو الرقم أقل من 25 --------< انت ماشاء الله لاتعانى من اى زيادة (بس خلى بالك تدخل فى النحافة دى ابشع مية مره من السمنة) هنا باه ارمى نفسك فى حمام سباحة واديها سباحه العب كرة يد وقدم وسلة وتنس وكل انواع الرياضات بما فيها كمال الاجسام .....
بالنسبة للوقت .... مش عارف اقول ايه بصراحه بس انت لو اخدت بالك انا حاطط مدة الرياضة حاجه بسيطه وان شاء الله تقدر تحققها ولو مقدرتش خالص يبقى سيبك من الرياضة وامرك لله وخلينا فى اللى جاى....

2. نظام صحى:
هنا باه مفاجاة الموضوع ...كل اى حاجه نفسك فيها بس بشرط حاجتين:
اول شرط: ليك تلت مواعيد فى اليوم تاكل فيهم اوعى اوعى اوعى تاكل بينهم ولا حتى خياره او خس او معرفش ايه اللى بيقولوا عليه دكاترة التخسيس ... انا بديك اوبشن تاكل اللى نفسك فيه بس بشرط متاكلش اى حاجه فى الوسط... عندك فطار وغدا وعشا فى الفطار عايز تاكل جبنه فى عيش فينو كل (مبقولش عيش ريجيم او سن) كل زى ما انت عايز من انواع الاكل ....
تانى شرط: "أحترم نفسك" ...انا طبعا مقصدش اهانه انا اقصدى اول ما تحس وانت بتاكل انك شبعت وقف اكل حتى لو الطبق لسه مليان غطيه باى طبق تانى وحطه فى التلاجه على طول ... متاكلش حتى لو انت شبعان احترم معدتك شويه...ودايما فكر نفسك اول ما تشبع وتبقى فى الطبق حاجه "مش لازم اكل دلوقتى لسه فيه وجبة جاية " سواء كانت فطار او غدا او عشا....
3. أدوية واعشاب تساعد على التخسيس:
هنا باه فى جمهور رهييييب هيهاجمنى حالا دلوقتى هتهاجمنى ويقولى ده غلط وملوش لازمه ...كل اللى هقوله يا جماعه ده نظام كندى للتخسيس ومشهور جدا اللى عايز يمشى عليه اهلا وسهلا .... اول اسبوع هتبدا بدوا مشهور عالميا اسمه فتاشى " Fattache" الدوا ده ممتاز فى انه :
- بيخسس
- يحسسك بالشبع
- يمنع الزيادة فى الوزن حتى لو خرفت يومين فى الوسط...
ولو اخدت بالكم فيه من الدوا ده تلت انواع:
Fattache Clasico وده كان اول واحد ينزل من النوع ده ويفضل استخدما للناس اللى عندهم مؤشر كتلة الجسم أقل من 30 .....
Fattache Forte وده بيستخدم للى عندهم دهون كتيير ومؤشر كتلة الجسم عندهم اكتر من 30 .....
Fattache Carbo وده بيستخدم للى بيخسوا لكن بياعنوا من مرض السكر

للاسف فى مصر الموجود هو واحد بس الاولانى خالص وسعره فى السوق 17 جنيه للشريط الواحد والشريط 10 كبسولات والعلبة شريطين (يبقى 20 ... بتشرب كباية ميه كبيره اوى بقدر الامكان ومعاهم كبسولتين قبل الاكل بربع ساعه ولو حسيت انك خرفت اوى اوى خد واحده بعد الاكل بس ده لو حسيت انك خرفت اوى اوى ... تعالوا باه نحسبها ...انت اول اسبوع فى الشهر ليك انك تاخد الكبسولتين دول قبل الغدا بس يبقى العلبة هتكفيك اول اسبوع وهيتبقى 6 كبسولات بالتمام ... ده هيكون اول اسبوع يا جماعه ...

تانى اسبوع هتوقف الفتاشى تماماً وهتشرب خليط من الاعشاب دى:
1. الشيكوريا
2. الكرفس.
3. ماجورام.
4. الكانديولا
للاسف الشديد جدا جدا جدا النسب بتاعتهم ضاعت من عندى...
لكن انا لاقيت فى السوق شاى اعشاب سيكم "sekem herbal tea"
الشاى ده ممتاز يا جماعه فعلا لكن الاعشاب دى مكثفه جدا فيه فيجب استعماله بحذر جدا ... المطلوب منك تانى اسبوع تشربلك قبل الغدا كوبايه 160 مللى محطوط فيها فتلتين (مش فتله واحده لانه هتلاقى ع العلبه كاتب فتله لأ حطط فتلتين) وقبل العشا نفس الكلام بس فتلة واحده ....

العلبة فيها خمسين فتلة (ده المقاس الكبير اللى هتشتريه متجبش الصغير مش هيكفى ولو حسبتها هيبقى اغلى) وتمن العلبة 12 جنيه ...من اى سوبر ماركت او صيدلية .... (تنبيه: سيبك من الكلام اللى موجود على العلبة بره هيقولك تشرب خمس مرات ومعرفش ايه سيبك من ده وامشى على اللى بقولك عليه)....
لو حسبتها هتخلس فى الاسبوع 21 فتلة هيتبقى نص العلبة تقريبا...

اهم تنبيه باه:
الشاى ده بيعمل اسهال رهيييييب لو اكلت اكل فيه دهون كتير ...متقلقش من الاسهال ده لانه بيخلسك من الدهون دى واستحمل الوجع شويه ... ولو انت معتدل ف اكلك ان شاء الله مش هيحصلك كده (يا شباب محدش يزود عن اللى انا قولته ومتفرحش انك بتخس وتزود الكميه زيادة الكميه له اضرارها ومش هقولها عشان مخوفش الناس)...

الاسبوع التالت باه : وقف الشاى تمام وارجع تانى للفتاشى لكن زود حبايتين قبل العشا كمان مع كوباية ميه كبيييييره جدااااا (مهم جدا موضوع الميه ده لو ملكش نفس).....

الاسبوع الرابع: وقف الفتاشى وارجع للشاى بنفس النسب والكميات.,..

الاسبوع خامس وقف الشاى وارجع للفتاشى وهكذا باه يا جماعه ....
(الهدف من الحركة طبقا للى شرحوا النظام ده تحريك المعده والدهون فى الجسم باكثر من مؤثر ويمنع بقاء الاعشاب او مكونات الفاتشى فى الجسم فى المستقبل وبالتالى الحفاظ على الجسم من اى مكونات خارجيه)

4. انتوا لو فاكرين اول حاجه الرياضة تانى حاجه نظام صحى فى الاكل تالت حاجه الفتاشى والاعشاب ... رابع حاجه باه هتضحكم بس والله العظيم مهمه جدا اياك اياك اياك ممارسة التخسيس لوحدك شوف واحد او واحده تخينه برده وخسوا مع بعض ...ايوه صحيح مش هتخسوا بنفس السرعه لان كل جسم وله نظامه بس فعلا هتشجعوا بعض جدا جدا .... انا يسعدنى انى اشاركم كلكم وانا فعلا هابدا امشى ع الريجيم ده من اول السنه اللى جايا ....

قبل ما انهى عايز اقول شوية ملحوظات هامه لاى حد بيمشى على ريجيم:
1. الريجيم ده هيبقى حياتك خلاص...انا منعتكش عن حاجه ولا قولتك كل دى ومتكلش دى انا ظبطت حياتك ونظامك فى الاكل امشى عليه ولما تلاقى نفسك وصلك للوزن اللى عاوزه ومؤشر كتلة الجسم اقل عن 25 ابدا وقف الاعشاب واستخدم بس الفتاشى على خفيف كده...

2. رياضة حلوه وبتديك قوام جميل ومفيش شك من كده لازم تمارسها ...معندكش وقت اتصرف واخلق وقت .... معندكش نفس اقرا كويس انا قولت ايه وان شاء الله هتلاقى عندك نفس وهتدعيلى...

3. لو عندك اى استفسار متترددش واسأل انا موجود بانتظام على المنتدى...

4. انا هابدا الريجيم من اول السنه وهابدا اقولكم وزنى علنى كده وهنقيس وزننا كل اسبوع وهقولكم على وزنى ونشوف تاثير الريجيم مع بعض ان شاء الله...

5. الفتاشى والاعشاب لاى واحد عايز يخس مادام مؤشر كتلة الجسم اكبر من 25
بس ممنوع منعا باتا استخدام الاعشاب لمن هيمكلون مؤشر اقل من 25 (بجد بجد هيسببلك مرض وهينزل كل الفيتامينات اللى ف جسمك) ....

6. أهم ملحوظه فيهم يا جماعه ركزوا كويس فى اللى هقوله :
لو لاقيت نفسك مش بتخس بسرعه وبطء شديد هافكر بحاجه حلوه "انت مش بتخس انت بتمشى على نظام صحى" يعنى دى من هنا ورايح حياتك تخس براحه مش مشكله المهم انك تخس ان شاالله حتى نص كيلو ف الاسبوع المهم بتخس وف نفس الوقت بتاكل اللى نفسك فيه وكله تمام....
لو لاقيت نفسك العكس بتخس بسرعه متقلقش وتقول انا بخس بسرعه والدكاتره قالوا كده غلط ومعرفش ايه .... الدكاتره الشاطرين عارفين كويس اوى اوى ان طبيعة جسم اى انسان ايا كان بتمنع انه يخس بسرعه ولو خسيت بسرعه هتوصل بسرعه لوزن وهتقف وتخس بالراحه... ياجماعه جسمنا من جوا نعمه من عند ربنا نحمده عليها ومتقلقش...
ملخص الكلام "امشى ع النظام ده ومتبصش بتخس بسرعه ولا بالراحه اتفقنا؟؟"


اتمنى يكون الموضوع افادكم ولان المنتدى ده محترم فعلا ومحترم بناسه ....تحياتى ليكم...
flower  flower   flower   flower   flower   flower    flower   flower  flower 

دي تجربة الي نقل الموضوع الشخصية
انا بقى عن تجربه

انا خسيت بالنظام ده 16 كيلو فى شهر

وكان نظامى كالتالى فى اول اسبوع نزلت 9 كيلو ففرحت جدا وكنت ماشى على النظام ده

فقلت اقلل اكلى خالص واعدت اسبوعين مكلش حاجه خالص مكلش غير سلطه بس ولبن رايب بس
مخستش غير 2 كيلو
رجعت تانى للنظام ده خسيت5 كيلو فى اسبوع
ولان النظام ده فى نظرى مش نظام رجيم ده نظام حياة متكامل مبيحرمكش من حاجه
وانا على فكره يا جماعه انا مخدتش الفاتشى ده خالص ولا شفته
لسببين لانه غالى
والسبب التانى انه مش موجود نهائى فى اى صيدليه فى الزقازيق خالص
انا بس مشيت على شاى سيكم وهو يا جماعه بجد تحفه
قبل ما اخرف فى الاكل بنصف ساعه باخد فتلتين او حتى لو بعد الاكل
انا بحس انه بيخلى الاكل ميتهضمش
والرياضه بمشى كتير وبروح الجم يعنى بحاول احرق على قد مقدر


ثانيا بقى واهم حاجه انا عملتها وهى
انا فى الاول كنت بعمل رياضه كتير وبمشى كتير جدا جدا جدا
بس كنت بزيد ومبخسش
انا اعدت افكر ايه الى انا غيرته بعد النظام لقيت حجتين


1. السم الى بيتباع فى ازايز ( الحاجه الساقعه ) انا كنت يوميا بشرب ما بين 4 الى 6 صاروخ بيبسى واحيانا
وانا قاعد كنت بشر ازازة لتر
2. السكريات والاملاح
السكريات انا اى نعم مكنتش بحب السكريات وبشر الشاى معلقه واحده سكر
بس دلوقتى معندش بدوق السكر نهائى
والاملاح اكتر حااجه بتثت الوزن
( انا دلوقتى باكل سلطه بملح علاشان اثبت لكن الاول كنت مانعه تماما )
ونا دلوقتى خفيت شاى سيكم
بقيت باخده بس لما ببقى مخرف فى الاكل
الحمد لله
انا دلوقتى بقيت اقل من وزى المثالى ب 2 كيلو
ارجو انى اكون افدتكم
يارب اكون انا كمان افدتكم والي حابة تبداو معايا تقول ونبقى ندخل كل اسبوع نطمن على بعض
وكمان انا هانظم اكلي ان شاء الله مع النظام ده بنظام النقاط
flower   flower   flower    flower   flower   flower flower   flower flower   flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hoda150.alhamuntada.com
 
طريقة تخسيس صحيه جدا للجسم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنوتة مصرية :: رشاقة وصحة البنوتات :: صحة العائلة-
انتقل الى: